Радий Хабиров Пушкӑртри бизнес-шерифсен институтне хакланӑ

Ноябрӗн 13-мӗшӗнче Чишма районӗнче Пушкӑртстан Пуҫлӑхӗ Радий Хабиров Раҫҫей Геройӗ Максим Серафимов ячĕллĕ ҫарпа патриот "Патриот" парк территорийӗнче республикӑри бизнес-шерифсемпе тӗлпулу ирттернӗ.
Вӑл бизнес-шериф институтне 2019 ҫулта предпринимательсене вырӑнсенче пур енчен те пулӑшу пама йӗркеленине аса илтернӗ. Ҫак пилӗк ҫул хушшинче республикӑри муниципалитет пӗрлӗхӗсенче 13 пин ытла предприниматель сехечӗ ирттернӗ, 20 пин ытла проекта пӑхса тухнӑ, вӗсенчен пурнӑҫланӑ проектсем 50% ытла, инвестици сумми - 114,1 миллиард тенкӗ, 26 пин ытла ӗҫ вырӑнӗ йӗркеленӗ.

Регион Пуҫлӑхӗ пилĕк ҫул хушшинче инвестици калӑпӑшӗ чăн пӗлтерӗшпе 52% ӳснине, номиналта 2 хут ытларах – 268 миллиардран пуҫласа 620 миллиард тенкӗ таран ӳснине аса илтернӗ.
Радий Хабиров инвесторсемпе тата предпринимательсемпе кашни эрнере канашлусем ирттерни пĕлтерĕшлĕ пулнине палӑртнă.
"Сирӗн ҫине пысӑк та питӗ яваплӑ ӗҫ фрончӗ хунӑ. Палӑртнӑ задачӑсене татса парасси вырӑнсенче сирӗн тĕплĕ ӗҫӗртен нумай килет. Пиртен, лару-тӑрӑва хальхи вăхăтра хаклама, информаципе усӑ курма, кирек мӗнле улшӑнӑва та оперативлӑ татса пама пултарнинчен нумай килет. Паллах, эпир бизнеспа мӗн чухлӗ тухӑҫлӑ ӗҫленинчен, ӑна ансат мар вӑхӑтра пулӑшнинчен, ҫав шутра ӑна ыранхи кун шанăçне мораль тӗлӗшӗнчен пулӑшнинчен те килет. Икӗ хут вӑйлӑрах, виçĕ хут хӑвӑртрах ӗҫлемелле, ӗҫтешсем", - палӑртнă Радий Хабиров.

Сӑнӳкерчӗкĕ: Олег Яровиков.

https://www.bashinform.ru/news/economy/2024-11-13/radiy-habirov-otsenil-institut-biznes-sherifov-bashkirii-4006773