РАÇÇЕЙРИ АСЛĂ ВĔРЕНŸ ЗАВЕДЕНИЙĔСЕНЧЕ БЮДЖЕТ ВЫРĂНĔСЕНЕ ЧАКАРМĔÇ

Пачах та урăхла, 2020 çул тĕлне çак цифра 400 пине çитĕ. Унпа пĕрлех бюджет вырăнĕсене укçа-тенкĕпе тивĕçтересси те ÿсĕ. Патшалăх ертÿçи Магнитогорскри металлурги комбинатĕнче рабочисемпе тĕл пулнă чух пĕр хĕрарăм бюджет вырăнĕсем сахалланмаççĕ-и, вĕренÿ хакĕ ÿсмест-и тесе пăшăрханса ыйтнă. Çĕршыв пуçлăхĕ ун пек вырăнсем (бакалавриатпа специалитет) 2017 çулта 300 пин, 2018-2019 çулсенче 380 пинрен ытларах пулнине пĕлтернĕ.

- 2020 çул тĕлне 400 пине яхăн вырăн пулĕ. Бюджет вырăнĕсене укçа-тенкĕпе тивĕçтересси юлашки икĕ çулта 16% ÿснĕ, - палăртнă Владимир Путин.

Çаплах çĕршыв пуçлăхĕ Раççейри 17-30 çулсенчи 1000 çамрăкран 800-шĕ студент пулма пултарать тенĕ.

- Çак параметрсем тытăнса тăраççĕ-ха. Паллах, кашни регионта лару-тăру тĕрлĕрен. Ку ĕçлев рынокĕпе ĕçлекенсем мĕн чухлĕ кирлĕ пулнинчен килет, - палăртнă Раççей лидерĕ.

#ВладимирПутин

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан

https://ursas.rbsmi.ru/news/ra-eyri-asl-v-ren-zavedeniy-senche-byudzhet-vyr-n-sene-chakarm-/