Раççейре пурăнакансене августăн 1-мĕшĕнчен мĕнле улшăнусем кĕтеççĕ?

Августăн 1-мĕшĕнчен ĕçлекен пенсионерсен пенсийĕ 244 тенке ÿсет. Пухăннă пенси балĕсене кура пенсине çĕнĕрен шутлаççĕ. Çакăн валли хушма ĕç стажĕн вăрăмăшне, ĕç укçин виçине шута илеççĕ.

Августăн 1-мĕшĕнчен пай харпăрлăхĕн участникĕсем куçман пурлăха туртса илессипе çыхăннă хăш-пĕр килĕшÿсене нотариусран çирĕплетÿ документне илмесĕр ахаль формăпа алăран çырса тума пултараççĕ.

Августăн 1-мĕшĕнчен ипотека каникулĕсем илес тесен Куçман пурлăхăн пĕрлехи патшалăх реестрне (ЕГРЛ) улшăнусем кĕртме патшалăх пошлинине тÿлемелле пулмасть (паянхи кун вăл 200 тенкĕ).

Çурт-йĕрпе коммуналлă çăмăллăхсене тÿлемелли квитанцисенче çĕнĕ пункт пулать — куçман пурлăха чрезвычайлă лару-тăрусенчен страхласси.

Августăн 4-мĕшĕнчен туяннă машинăна производитель е официаллă дилерăн салонĕнче регистрацине тăратма пулать.

Августăн 4-мĕшĕнчен автомобиль номерĕсен сас паллисемпе цифрăсен майлашăвне ГИБДДра палăртаççĕ, номер паллисене аккредитациленĕ уйрăм компанисем туса кăларĕç.

Августăн 19-мĕшĕнчен çĕршыва 5 килограмран ытлашши мар улма-çырла е пахчаçимĕç тата виçĕ чечек çыххи кăна илсе кĕме юрать.

Августăн 21-мĕшĕнчен алкоголь шĕвекĕсем упранакан складсем тĕлĕшпе çирĕпрех ыйтма тытăнаççĕ. Çакна евĕр хуралтăсене служба тата хушма пÿлĕмсенчен капиталлă стенасемпе уйăрмалла тата складра сывлăш температурипе нÿрĕклĕхне виçекен прибор пулмалла.

News.ru.