Пушкăртстанра пурăнакансене ут спорчĕн I республика фестивальне йыхравлаççĕ

Регионти Ял хуçалăх министерствин пресс-службинче пĕлтернĕ тăрăх, уяв программинче фестивале хутшăнакансен тата ут спорчĕн ветеранĕсен парачĕ, лашасен ăрачĕсемпе паллашасси, кăтартуллă ут выступленийĕсем, юлан ут ăмăртăвĕсем, понипе фигурăллă ярăнни, ăсталăх класĕсем, Иппотерапи центрĕн презентацийĕ пулаççĕ.

Фестиваль вăхăтĕнче хăнасем пурте шоу варринче — ана çинче пулаççĕ. Лаша хăйне кăна мар, çынна та сыватма пултарать. Унпа юнашар кĕске вăхăт пулни те çыннăн кăмăл-туйăмне лайăхлатать.

Тÿлевсĕр кĕртеççĕ.

Галина БАХШИЕВА.