Путин çĕршывшăн кирлĕ проектсене пурнăçа кĕртнĕ чух йывăрлăхсене мĕнле çĕнтернин хăйĕн опычĕ çинчен каласа панă

Раççей Президенчĕ Владимир Путин çĕршывшăн кирлĕ проектсене пурнăçа кĕртнĕ чух йывăрлăхсене мĕнле çĕнтернин хăйĕн опычĕ çинчен каласа панă, пĕлтерет ТАСС. Хăйĕн опычĕ çинчен Раççей Пуçлăхĕ технологи предпринимателĕсемпе тата Наци технологи пуçарăвен компанийĕсен пуçлăхĕсемпе тĕл пулнă вăхăтра аса илнĕ.

Мероприятие хутшăннисенчен пĕри Патшалăх Пуçлăхне час-часах стартапсем ăнăçсăр вĕçленни çинчен каланă. «Ăнăçсăрлăх хыççăн ăнăçсăрлăх пĕрмай пулмасть. Манăн хамăн та пурнăçра тĕрлĕрен лару-тăру пулнă, ăнăçсăр самантсенче те юлашкинчен тĕрĕс решенисем йышăнни пулнă, пĕр е тепĕр пуçарăва ырлани çĕршывшăн лайăх вĕçленнĕ самантсем пулнă», — тенĕ Президент.

Стартапсене финаслассине анлăлатасси пирки каласа Путин çак темăна сÿтсе явмалла тесе шутлать, çапах та ыйту юлашкинчен пĕрешкел вĕçленет — эпир мĕнле калăпăшпа теветкеллĕхе хаклатпăр тата тупашсăр тесе мĕн чухлĕ пăрахăçлама хатĕр. Патшалăх Пуçлăхĕ çак сферăра пĕтеĕм тĕнче практикине шута илмелли çинче чарăнса тăнă, «кустăрма çĕнĕрен шухăшласа кăларма» кирлĕ мар, тесе пĕлтернĕ.

Галина ВАРИКОВА хатĕрленĕ.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?