Пушкăртстанра ĕçпе юсанакан колони начальникĕн унчченхи çумне взятка илнĕшĕн айăпланă

Мелеуз район сучĕ 44 çулхи ĕçпе юсанакан колони начальникĕн унчченхи çумне «взятка илнĕшĕн» статьяпа айăпланă. ПР прокуратурин пресс-служби даннăйĕсем тăрăх, 7-мĕш ИК сотрудникĕ кăçалхи январьтен пуçласа апрельччен судпа айăпланнă çынран взятка илнĕ. Укçана вăл зарядка тумалли устройствăпа тата наушниксемпе мобиллĕ телефонсем закона пăсса панăшăн илнĕ.

Пĕтĕмĕшле сумма 30 пин тенкĕрен иртнĕ. Закона пăсса илсе пынă ĕç-хĕлшĕн «тÿлеве» банк карти çине судпа айăпланаканăн палланă çыннисем куçарнă е алăран панă. Судпа айăпланакан преступлени тунă айăпа йышăннă, уголовнăй ĕç пуçарнă хыççăн хайĕн ирĕкĕпе ĕçне пăрахнă.

Суд ăна виçĕ çул та ултă уйăха ирĕкрен условнă хăтарнă, 100 пин тенкĕ штраф тÿлеттернĕ, виçĕ çул тăршшĕ патшалăх учрежденийĕсенче нимĕнле должность та йышăнма пултараймасла айăпланă.

«Башинформ» ИА материалĕсем тăрăх.

Читайте нас: