Çутă çул
+4 °С
Уҫҫӑнах
Пур хыпар та
Общество
7 Ноябрӗн 2019, 08:40

Путин Аслă вĕрентÿпе наука министерствин пуçлăхне Котюкова «йĕрке тума» хушнă

Раççей Президенчĕ Владимир Путин Аслă вĕрентÿпе наука министрне Михаил Котюкова магистратурăна ушкăнсем йышăннă чух бюджет вырăнĕсем сахал пулнăшăн критикленĕ, «йĕрке тума» хушнă.

Вырăс чĕлхипе Совет ларăвĕ вăхăтĕнче Президента Воронежри патшалăх университетне тĕслĕх вырăнне илсе кăтартнă, унта магистратурăна ушкăнсем йышăннă чух бюджет вырăнĕсем пĕтĕмпе те улттă пулнă. Çав вăхăтрах ушкăнра 12 çынран кем мар пулмалла.

Путин çакă уншăн кĕтмен япала тесе каланă. «Енчен те ĕç чăннипе те çапла пулсан, мĕн те пулин калама йывăр. Енчен те магистратурăра 12 çынран тăракан ушкăн тулли шутланать пулсан, сирĕн пĕтĕмпе те ултă бюджет вырăнĕ пулсан, ăна мĕнле йĕркелемелле?» — ыйтнă Путин Котюковран.

Министр филологи факультетне йышăнассипе йĕркеленнĕ лару-тăрăва паян статистикăпа бюджет шутĕнчен абитуриентсен 40 проценчĕ кăна вĕренет тесе ăнлантарма хăтланнă.

«Начар! Эппин, эсир тĕрĕс мар статистика даннăйĕсене шута илетĕр, пурнăçра чăннипе мĕн пулса иртнине пĕлместĕр. Начар! Сирĕн правилăсене, эппин, тахçан улăштармалла!»

тенĕ президент.

РИА новости материалĕсем тăрăх.

Уçă çăлкуçсенчен илнĕ сăнÿкерчĕк.
Читайте нас: