Çутă çул
+16 °С
Уҫҫӑнах
Пур хыпар та
Общество
24 Ноябрӗн 2019, 13:28

Ача çурални - телей

1998 çулхи январĕн 30-мĕшĕнче Раççей Федерацийĕн Президенчĕ Анне кунне ноябрь уйăхĕн юлашки вырсарникунĕнче паллă тума хушу кăларнă. Уявăн тĕп тĕллевĕ - çемье тĕрекне пур енчен те çирĕплетесси, анне пĕлтерĕшне ỹстересси. Уява Патшалăх Думин хĕрарăмсен, çемье тата çамрăксен ĕçĕсен комитечĕ пуçарса яраканĕ пулнă.

Вăхăтĕнче Рим императорĕ Октавиан Август çемье прависене тĕреклетес, ача çуратассине ỹстерес, уйрăлакансен шутне чакарас пирки закон çирĕплетнĕ. Унпа килĕшỹллĕн римлянсем 25 çултан пĕрле пурăнса çемьере виçĕ ачаран кая мар çуратмалла, арсăр е уйрăлнă арăмсен тивĕçĕ икĕ çулччен тепĕр хут пĕрлешсе çемье çавăрмалла пулнă.

Болгаринче пурăннă малашлăха курса тăракан Ванга (1911-1996) çапла каланă: "Амăшĕсен пĕлмелле - малашне эсĕ хăвăншăн çеç мар, ачусен харпăрлăхĕ те пулăн. Эсĕ парнеленĕ пурнăçшăн - эсĕ яваплă. Çуратма пултарайманнисем ача усрава илччĕр".
Читайте нас: