127 çул тултарнă

Нумай çул пурăнас тесен мĕн тумалла? Таджикистанри Фатима Мирзокулова, сăмахран, çăлкуçри шыва ĕçнĕ. Çапла 127 çулччен пурăннă.

Чылай çул вăл мамăк пуçтарнă çĕрте тăрăшнă. Пенсие тухсан та çак ĕçе пăрахман. Фатима — сакăр ача амăшĕ, унăн 200 яхăн мăнук, кĕçĕн мăнук. Пĕрремĕш упăшкирен, Тăван çĕршывăн Аслă вăрçинче пуç хунăскертен, виçĕ ачапа тăрса юлнă вăл. Хĕрарăм иккĕмĕш хут 58 çулта çемьеленнĕ, 5 ачана пурнăç парнеленĕ. Чи кĕçĕннине 66-ра çуратнă. Ачисем каланă тăрăх, амăшĕ нихăçан та кĕнеке вуламан, политикăпа интересленмен.

«Çамрăксен хаçачĕ».

Читайте нас: