Афган вăрçин ветеранӗ çӗнӗ кӗнеке кăларнă

Анатолий Дмитриевич Ефимов (Хмыт) Тутар АССР-не кӗрекен Аксу районӗнчи Таркăн ялӗнче çуралнӑ. Афган вăрҫин ветеранӗ. Хӗсмет хыҫҫӑн Чӑваш телевиденийӗнче ӗҫленӗ, унтан шкула куҫнӑ. 2003 ҫултанпа ЧР Тава тивӗҫлӗ вӗрентекенӗ.

Литературӑра Анатолий Хмыт ҫӗнӗ ҫын мар. Хайлавӗсем «Суварта», «Тӑван Атӑлта» пичетленнӗ, уйрӑм кӗнекен тухнӑ. Поэзире те, драматургире те унӑн пултарулӑхӗ Афган вӑрҫи тавра «явӑнать». Черетлӗ саккăрмӗш кӗнекене ҫыравҫӑ хайланӑ повеҫсемпе калавсем кĕнĕ, вӗсенче те автор ҫавӑнти пулӑмсене сӑнарлать.

«Сувар».