Тĕн пуçлăхĕсем Радий Хабировăн указĕ пирки хăйсен шухăшне пĕлтернĕ

Вырăс Православи Чиркĕвĕн Мускав патриархачĕн митрополин Пушкăртстан пуçлахĕ, Уфа тата Стерлитамак митрополичĕ Никон:

— Пирĕн республикăра ытти конфессисемпе пĕрле масарсем çинче пуçтарнин, пĕр-пĕрне пулăшнин тĕслĕхĕсем питĕ нумай, çакă лайăх йăла-йĕрке. Халĕ çакна ятарлă указпа çирĕплетнĕ. Çитменнине, республика ертÿçисем, муниципалитет пĕрлĕхĕсен пуçлăхĕсем, Радий Хабиров указĕпе килĕшÿллĕн, тĕрлĕ енлĕ пулăшу параççĕ… Çак кун кăмăл-сипет енчен те пысăк пĕлтерĕшлĕ, мĕншĕн тесен эпир масарсем çинче пĕрле тирпей-илем кĕртетпĕр кăна мар, пурте пĕрле кĕл тăватпăр, вилнисене асăнатпăр. Леш тĕнчене кайнă çынна асăнмалла, ăна асра тытмалла, çак çын çинчен кĕл туни пĕлтерĕшлĕ. Чиркÿ вĕрентнĕ тăрăх, вилнĕ çын хăйĕншĕн хăй кĕлĕ вулаймасть, çакна эпир, çĕр çинче пурăнакансем тума пултаратпăр. Питĕ лайăх йăла пуçланать. Ман шутпа, çынсем ăна ырласа йынăшĕç.