Çутă çул
+18 °С
Пӗлӗтлӗ
Пур хыпар та
Общество
5 Мартӑн 2020, 23:12

Ача-пᾰча выляса ӳстĕр

Кашни ҫемьере ашшĕ-амᾰшĕ ачисем тавҫᾰруллᾰ, пултаруллᾰ ӳсчĕр тесе тᾰрᾰшаҫҫĕ. Вᾰйᾰ ачана йĕркеллĕ ҫын пулса ӳсме пулᾰшать.

Ачасем вᾰййа хᾰйсем мĕн курнине, асᾰрханине, илтнине кĕртеҫҫĕ. Вĕсем ашшĕ-амᾰшĕ пек «ĕҫе» ҫӳреҫҫĕ, асламᾰшĕ пек «апат пĕҫереҫҫĕ», пӳрт-ҫурта илем кӳртеҫҫĕ, хᾰйсем пĕлекен ҫынсем пек хᾰтланаҫҫĕ. Ача садĕнче ĕҫленĕ май, ачасем мĕнле ҫемьере ӳсни яр-уҫҫᾰн курᾰнать. Шкул ҫулне ҫитмен ачасем вᾰйᾰра пурнᾰҫа ᾰнланма пуҫлаҫҫĕ, ытлашши вᾰй-хакᾰлне чакараҫҫĕ, ҫынсемпе хутшᾰнма хᾰнᾰхаҫҫĕ, хᾰйсен ĕҫне хаклама, йывᾰрлᾰхсене ҫĕнтерме вĕренеҫҫĕ.
Шᾰпᾰрлансем ытларах шавлᾰ вᾰйᾰсене кᾰмᾰллаҫҫĕ. Чупмалли вᾰйᾰсем ачасене вᾰй-хакᾰлне ӳстерме, ҫивĕчлĕхне, чᾰтᾰмлᾰхне аталанма пулᾰшаҫҫĕ. Ашшĕ-амᾰшĕн ҫак вᾰйᾰсене канмалли кунсенче уҫᾰ сывлᾰшра выляма тᾰрᾰшмалла. Ачасемпе вылянᾰ чух вĕсем пекех хавхаланса, ҫĕкленӳллĕ, вᾰйᾰ йĕркине пᾰсмасᾰр вылямалла.
Пултарулăха аталантармалли вăйăсемпе чупмалли вăйăсемсĕр пуçне çемьере шухăшламалли вăйăсем вылясан аван. Вĕсем тимлĕхе, тавçăрулăха, астăвăма, сăнава аталантараççĕ. Ку вĕренÿре, ытти ĕçре те кирлĕ пулĕ.
Вăйăра ачан ырă енĕсемпе япăх енĕсем палăраççĕ. Çавăнпа ашшĕ-амăшĕн ачасемпе вылянă май вĕсен характерĕнчи, поведенинчи çитменлĕхсене асăрхама тăрăшмалла. Çемьере вăйăсене ăмăрту майĕпе йĕркелеме пулать. Пĕрле шашкăлла выляни, пуç ватмăшсем шутлани, тупмалли юмахсен тупсăмĕсене ăмăртмалла шухăшлани ачасене питĕ килĕшет!
Юратнă пепкесем валли теттесене те пĕлсе туянмалла. Кашни кунах сăлтавсăр тетте туянса парсан, ача теттене хаклама пĕлмĕ, вĕсене çĕмĕрме пуçлĕ, çухатнăшăн кулянмĕ. Вылянă май, тирпейлĕхе, йĕркене хăнăхтарар .
Ывăл-хĕрĕмсем хăйсем ăсталанă теттесем уйрăмах пĕлтерĕшлĕ. Шăпăрлансем хутран, пластилинран, çутçанталăк материалĕнчен ăсталама юратаççĕ пулсан, савăнмалла кăна. Ача килте, ача садĕнче ăсталанă теттесене кăларса ывăтма ан васкăр, вĕсенчен курав йĕркелесен аван.
Ачасем телевизор, компьютер умĕнче ларса вăхăта ан ирттерччĕр. Пепкесем пире шанччăр, хисеплеччĕр тесен, пĕрле выляр, вăймра хамăр йăнăшсене курма вĕренер .
Ачасемпе ирттернĕ вăхăт аслисемшĕн чи усăллă, чи хаклă вăхăт пултăрччĕ.
Читайте нас: