Коронавируса пула митинг ирттермӗҫ

Ҫак сӑлтава пулах «Крым ҫуркунни» митинг-концерт та пулмасть. Вӑл пуш уйӑхӗн 15-мӗшӗнче пулмаллаччӗ.

Крым Раҫҫейпе пӗрлешнӗренпе 6 ҫул ҫитет. Ҫак ятпа иртекен уявсене Раҫҫейри хӑш-пӗр регионта йӗркелемеççĕ.

Палӑртса хӑварар: Чӑваш Енре коронавируспа чирленĕ тӗслӗх пулман. Республикӑри эпидемиологи лару-тӑрӑвне ЧР Сывлӑх сыхлавӗн министерстви тата Роспотребнадзорӑн Чӑваш Енри управленийӗ сӑнаса тӑраҫҫӗ. Аса илтерер: Раҫҫейре коронавируспа чирленӗ тӗслӗхсем пур.

#Шупашкар, #митингсем, #коронавирус, #Крым