Крым кĕперне çĕкленĕ çĕре хутшăннисене Раççей Президенчĕ Владимир Путин чысланă

Крым кĕперĕ Керчь районне Кубаньпе пĕрлештерет. Çакăн валли 4 çул кирлĕ пулчĕ. Ку калама çук пысăк ĕç шутланать. Крым кĕперне çĕкленĕ çĕре хутшăннисене Раççей Президенчĕ Владимир Путин пуш уйăхĕн 18-мĕшĕнче чысланă.

Шупашкарти «Мостотряд-41» территори фирмин ĕçченĕсем те çак хисепе тивĕçнĕ.

Дмитрий Гаврилов электросварщик — «Тăван çĕршыв умĕнчи тава тивĕçлĕ ĕçсемшĕн» 3-мĕш степеньлĕ ордена, Александр Акимов монтажник — Хисеп орденне, директорăн производство енĕпе ĕçлекен заместителĕ Николай Горлов «Тăван çĕршыв умĕнчи тава тивĕçлĕ ĕçсемшĕн» 2-мĕш степеньлĕ орден медальне тивĕçнĕ.

Cap.ru сăн ÿкерчĕкĕ.