Путин Росгварди боецĕсене професси уявĕпе саламланă

Раççей Президенчĕ Владимир Путин паян Росгварди сотрудникĕсене професси уявĕпе саламланă. Патшалăх пуçлăхĕ боецсене тÿрĕ кăмăллă службăшăн тав тунă, вĕсен умĕнче яваплă та кăткăс задачăсем тăнине палăртнă.

Раççей лидерĕ Росгварди ялан закона пăхăнмалли, граждансен интересĕсемпе прависене ялан мала хумалли, вĕсене çынсем хисепленнине тÿрре кăлармалли пирки аса илтернĕ.

Путин Росгварди боецĕсемпе командирĕсем хăйсен чаçĕсен çар йăли-йĕркипе мăнаçланни, вĕсене упрани, ветеранĕсенчен тĕслĕх илни çинчен каланă.