Волонтерсем ватăсене пулăшĕç

Чире йывăр тỹссе ирттерекенсен ушкăнне 65 çултан аслăрах хĕрарăмсемпе арçынсем кĕреççĕ. Çавăнпа та вĕсен пур-çукшăнах çынсем йышлă çỹрекен вырăнта пулма тăрăшмалла мар. Йĕркене çирĕп пăхăнни чăн малтан хăрушлăха сирессипе çыхăннă.

Çавна май районта волонтерсен штабĕ ĕçлет. Волонтерсем коронавирус инфекцийĕн пендемийĕ вăхăтĕнче пĕччен пурăнакан ватăсене, инвалидсене, Аслă Отечественнăй вăрçă ветеранĕсене пулăшу парĕç. Пулăшу кирлĕ пулсан çăмрăксен «Вектор» центрне 8(34743) 2-25-81 телефонпа шăнкăравламалла.