Мартăн 30-мĕшĕнче Раççей Президенчĕ Владимир Путин уйрăм тимлĕх уйăрнă ыйтусем

Вăл темиçе ыйту çинче тимлĕхне çивĕчлетнĕ. Вĕсенчен хăшĕ-пĕрисем:

- вырăнти, регион, федераллĕ власть органĕсем пĕр-пĕринпе тачă çыхăнура эффективлă ĕçлемелле;

- лăпланса лармалла мар, анчах шанчăклă та тĕплĕ ĕçлемелле, халăх шанăçне çĕнсе илмелле, тĕплĕ те тĕрĕс информаци памалла;

- пурнăçшăн кирлĕ мĕнпур сферăсене мониторинг ирттермелле, чи малтан, медицина пулăшăвĕ парассинче;

- çывăх кунсенче медицина учрежденисенче инвентаризацие вĕçлемелле, вĕсем пурте тулли хатĕрлĕхре пулмалла (çав шутра уйрăм çын клиникисем те пĕрлехи даннăйсен базинче пулмалла);

- РФ субъекчĕсен пуçлăхĕсем тата полномочиллĕ представительсем койка фончĕшĕн хăйсем явап тытаççĕ, кирлĕ пулсан, хушма майсем тупма хатĕр тăмалла, койка резервне тупмалла;

- профиллĕ специалистсене (пульмонологсене, реаниматологсене, терапевтсене, васкавлă пулăшу бригадин сотрудникĕсене) нагрузка нумайланнă пирки ытти специалистсене те явăçтармалла (ординаторсене, профессорсене, медицина вĕрентÿ заведенисен преподавателĕсене), кирлĕ пулсан, медицина учрежденисен студенчĕсене те;

- уйрăм йĕркепе çыхăннă мĕнпур тÿлевсене вăхăтлă та туллин панине уйрăм контроле илмелле;

- пурне те халĕ килте юлсан шанчăклăрах пулнине ĂНЛАНТАРМАЛЛА.

РФ Президенчĕ граждансене ватăсем пирки (ашшĕсемпе амăшĕсем, аслашшĕсемпе асламашĕсем т. ыт. те) уйрăм тимлеме хушнă.

Путин кашни кун лару-тăрăва тимлеме хушнă.