Коронавирус: чи малтан мĕн пĕлмелле?

Ĕнер Пушкăртстан Республикин Сывлăх сыхлав министерствинче регионра коронавируспа йĕркеленнĕ лару-тăру тата вируса малалла сарăлма памассипе ыйтусене сÿтсе явнă.

Коронавирус сарăлнине хирĕç кĕрешекен республика штабĕн даннăйĕсем тăрăх Пушкăртстанра COVID-19 вирус ернĕ 10 самант регистрациленĕ. Икĕ пациент сывалнă, вĕсене больницăран кăларнă.

Республикăри стационарсенче коронавирус инфекцийĕ тесе шухăшлакан 106 çын учетра тăрать.

Коронавируспа çыхăннă хăш-пĕр ыйтусене уçăмлататпăр.

— Медицина организацийĕсенче ĕçлекенсен тăванĕсене тĕрĕслеççĕ-и?

— Çакна тума кирлĕ мар. COVID-19 чирлекенсемпе контакт тытакан медицина ĕçченĕсен пурин те хÿтлĕх хатĕрĕсем тата ятарлă тумтир пур.

— Маскăна мĕн чухлĕ вăхăт тăхăнса çÿремелле?

— Маскăна урама тухсан, нумай çын пухăннă вырăнта кăна тăхăнмалла. Килте (хваттерте) вăл кирлĕ мар. Енчен те килте чирлекен çын пур пулсан кăна килте те маска тăхăнмалла.

— Коронавируса мĕнле тĕрĕсленмелле?

— Хальхи вăхăтра хăй ирĕкĕпе (йышлă скрининг) тĕрĕслев тумаççĕ. ПР Сывлăх сыхлавĕ çирĕплетнĕ тестсене тÿлевсĕр параççĕ.

— Маникюрпа парикмахерски специалисчĕсем клиентсене килĕсенче йышăнма пултараççĕ-и? Çакă йĕркене пăсни мар-и?

— Йĕркене пăсни шутланать. Пĕрремĕшĕ — килте унашкал çăмăллăхсем пама юрамасть, иккĕмĕшĕ — изоляци режимне пăсаççĕ.

— Çĕнĕ условисенче коммуналлă службăсем мĕнле ĕçлеççĕ?

— Мĕнпур коммуналлă службăсем штат режимĕнче ĕçлеççĕ. Ăшăтмалли сезон республикăра май уявĕсем хыççăн вĕçленет. Çак ыйтупа мĕнпур кирлĕ информаци ведомствăн официаллă сайтĕнче пур.

ПР Сывлăх сыхлав министерствин пресс-служби.

Читайте нас:

Новости партнеров

Синоптиктарға ышанырғамы, Рәйес бабайғамы?

“Җиде бала үстек әткәй белән...”

О чём говорят немые колонны Уфы