«Никама та шеллеместпĕр»

Çакăн пирки республика Пуçлахĕ Радий Хабиров коронавирус инфекцине хирĕçле канашлура пĕлтернĕ.

«Енчен те маларах эпир режима пăсакансемпе çемçе кăна калаçаттăмăр пулсан, малашне никама та шеллеместпĕр. Мĕншĕн тесен эсир хăвăра шеллеместĕр, чир ертме пултаракан ытти çынсене шеллеместĕр, — тенĕ Радий Хабиров. — Эсир килĕрте сахалтан та тата икĕ эрне те пулин чăтса ларăр тесе, эпир контроле вăйлататпăр».

65 çултан аслăраххисен вырăнти вăхăтпа 18 сехетрен 10 сехетчен обществăлла вырансенче пулма юрамасть. Ачасемшĕн чару — 18 сехетрен 13 сехетчен. Ачасем асăннă сехетсенче урамра е ытти обществăлла вырăнта пулсан, ашшĕ-амăшне штраф тÿлеттереççĕ.