Апрелĕн 10-мĕшĕнчен Пушкăртстанра самоизоляци режимне пăсакансене пурне те штрафлаççĕ

Çакăн пирки паян республикăри Сывлăх сыхлав министерствинче коронавирус инфекцийĕн ыйтăвĕсемпе иртнĕ брифингра ПР Обществăлла хăрушсăрлăх ведомствăсен совечĕн секретарĕ Алексей Касьянов пĕлтернĕ.

«Енчен те унччен йĕркене пăсакансемпе тĕл пулнă чух 90% ăнлантарса каланă кăна пулсан, паянтан пурне те административлă йĕркепе явап тыттараççĕ. Çакна пурте илтчĕр, кайран хăйсен тивĕçĕсене пурнăçлакан право сыхлакан органĕсен сотрудникĕсене ан çилленччĕр. Çакă вăл хăратни мар — ку чухнехи кирлĕ пулăм», — тенĕ Алексей Касьянов.

Регион пуçлăхĕ республикăра пурăнакансен тулли изоляцинче пулмалли указ мартăн 31-мĕшĕнчи 20.00 сехетрен вăя кĕнĕ. Çак указпа килĕшÿллĕн, хуласемпе ялсенчи пурнăçшăн кирлĕ службăсен сотрудникĕсемсĕр пуçне ыттисем самоизоляци режимне пăрахăçличчен килте пулмалла.

"Башинформ" ИА материалĕсем тăрăх.