Медицина ĕçченĕсене 80 пин тенкĕ хушса тÿлеççĕ

Патшалăх пуçлăхĕ больницăсенче тата инфекци уйрăмĕсенче хушма койкăсем лартма 33 млрд. тенкĕ уйăрса панине палăртнă. 13 млрд тенкĕ медтехника, çав шутра ИВЛ аппаратсем туянма уйарнă.

Медперсонала пысăк нагрузкăшăн тата уйрăм ĕç условисемшĕн хушма тÿлев çирĕплетни пирки пĕлтернĕ. Коронавируспа чирлекенсене сиплекен врачсене уйăхне 80 пин тенкĕ, вăтам медицина персоналне 50 пин тенкĕ, кĕçĕн медицина персоналне уйăхне 25 пин тенкĕ. Васкавлă пулăшу врачĕсем уйăхне 50 пин тенкĕ, васкавлă пулăшу экипажĕн фельдшерĕсем, медсестрисем, водителĕсем 25 пин тенкĕ илеççĕ. Асăннă мера виçĕ уйăх тăршшĕ вăйра тăрать.

Президент регионсен пуçлăхĕсене коронавируса хирĕç пĕр шаблонпа кĕрешмелле мар тесе пĕлтернĕ. Кашни регионра адреслă ĕçлемелле, халăх пурăнакан кашни вырăнти лару-тăрăва шута илмелле.

Финанс министерствине регионсене хăйсене ăçта кирлĕрех, çавăнта ресурссене яма ирĕк пама хушнă.

Президент Министрсен кабинетне тата Тĕп банка бизнеса пулăшмалли хушма программа ĕçлесе хатĕрлеме хушнă. Путин патшалăх чи малтан ĕç вырăнĕсене сыхласа хăваракан компанисене пулăшни çинче тимлĕхне çивĕчлетнĕ.

Регионсем хушшинче çăк турттаракан тата транспорт çыхăнăвне хупмасса çирĕп ыйтнă. Çакă начар енчен палăрма пултарни пирки каланă.