Альшей районĕнчи спорткомплекса пандемие пула уçаймаççĕ

Пушкăртстан Пуçлăхĕ Радий Хабиров коронавируса пула пулнă кÿренÿллĕ самант çинчен социаллă сетьсенче каласа панă.

Регион ертÿçи чикĕсем лартнине пула Альшей районĕнчи пĕртен-пĕр бассейнпа спорткомплекса ниепле те уçса пулманни пирки пăшăрханать. Объект хута яма тахçанах хатĕр ĕнтĕ.

«Бассейн тăршшĕ 25 метр, юнашар спорт залĕ, тренерсен пÿлĕмĕ тата раздевалка. Ку вăл — районти пĕрремĕш бассейн. Инфекципе çыхăннă хăрушлăх чаксанах бассейна уçатпăр», — тенĕ Радий Хабиров.

Коронавирус инфекцийĕ сарăлас хăрушлăха пула республикăра спорт секцийĕсене, фитнес-клубсене, бассейнсене пурне те хупнă. Çак эрнере правительство парикмахерскисемпе оптика салонĕсене уçма решени йышăннă. Анчах çак организацисен хуçисем регион влаçĕн официаллă указне кĕтеççĕ.

«Башинформ» ИА.

Читайте нас: