Пушкăртстанра самоизоляци режимне майччен тăснă

— Паян эпир чылай решени йышăнтăмăр. Йышăннă мерăсем кирлех. Муниципалитет пуçлăхĕсем, эсир çак режим вăраха тăсăлассине шутра тытăр, халăха та çакна шута илме чĕнсе калăр. Апрель-май эпир çак режимпа ĕçлетпĕр. Турă патăр, çапла пулсан, çакнашкал лару-тăру çуллана каçмасан, — тенĕ Радий Хабиров.

Регион пуçлăхĕн указĕ тăрăх мартăн 31-мĕшĕнчен 20 сехетрен республикăра пурăнакансем самоизоляци режимне куçнă.

Ĕçе каймалла пулсан, лавккана е аптекăна тухмалла пулсан çеç килтен тухма юрать. Апрелĕн 10-мĕшенчен пуçласа 65 çултан аслă çынсен каçхи 18 сехетрен 10 сехетчен обществăлла вырăнсенче пулма юрамасть, ачасен — 18 сехетрен 13 сехетчен.

Апрелĕн 6-мĕшĕнчен пуçласа пĕр е тепĕр ĕçпе хăвăран машинăрпа каймалла пулсан, «Дорога 02» сервисра пĕр кунлăх талон илмелле.

ИА «Башинформ» материалĕсем тăрăх.