Валюта улшăнса тăнă вăхăтра хамăр тавара туянни тупăшлăрах

Пушкăртстанри суту-илÿ тата потребительсен прависем тĕлĕшпе ĕçлекен Патшалăх комитечĕн председателĕ Алексей Гусев «Эхо Москвы Уфа» радио эфирĕнче вырăнта туса кăларнă продукцие туянни потребительсемшĕн халĕ тупăшлăрах пулни пирки каланă.

«Валюта рынокĕнче пĕрмай улшăнусем пулнăран пирĕн шалти тавар тупăшлăрах. Пирĕн патра вырăнти производительсем çителĕклĕ, çав шутра теплицăсенче пахчаçимĕç ÿстерекенсем те, вĕсем рынока таварпа тивĕçтерме пултараççех. Кунсăр пуçне Патшалăх комитечĕ пĕлтĕрхи сентябрьтеньпе социаллă апатлану сферинче тавар кăларакансен сыпăкĕсене тăвассипе планпа ĕçлет», - тенĕ вăл.

«Башинформ» ИА.