Путин COVID-19 хирĕç тăнинче ĕçлемелли мар кунсен эффективлăхне хак панă

Президент майăн 1-мĕшĕччен ĕçлемелли мар кунсем пĕлтерни, çĕршывĕпе самоизоляци режимне кĕртни коронавирус сарăлассине хирĕç кĕрешессинче вăхăт запасне тума май панă, тенĕ.

Владимир Путин: «Маларах ĕçлемелли мар кунсем, карантин мерисем тата самоизоляци правилисем, ытти йышăннă решенисене пула эпир кăштах вăхăт запасне турăмăр, эпидеми сарăлнин хăвăртлăхне такăнтарма тата сывлăх сыхлав системине урăхла ĕçлеме йĕркелесе яма пултартăмăр».

Апрелĕн 20-мĕшĕ тĕлне Раççейри 76 регионра çĕнĕ 4268 самант палăртнă, Мускавра — 2026, 44 çын вилнĕ, 155 сывалнă. Пĕтĕмпе Раççейри 85 регионра коронавирус ернĕ 47121 пулнă, 405 çын вилнĕ.

«НТВ».