Йывăç çинчен ÿкнĕ улма-çурлана камăн пуçтарма ирĕк пур?

Патшалăх Думинче Граждан кодексне тÿрлетÿсем кĕртмелли проекта хатĕрленĕ, унпа килĕшÿллĕн, кÿршĕ лаптăк хуçине мешетлекен çурта ишсе пăрахма ирĕк пама пултараççĕ.

Граждан кодексне тÿрлетÿсем кĕртмелли проект пирки Думăри патшалăх строительствипе тата законодательствипе ĕçлекен комитет председателĕ Павел Крашенинников «Российская газета» панă интервьюра каланă.

«Проектпа килĕшÿллĕн, харпăрçăн кÿршĕ лаптăк хуçине мешетлеме пултаракан çуртсемпе сооруженисем лартма юрамасть. Планланă чухнех çакă паллă пулать вĕт», — тенĕ Павел Крашенинников.

Кÿршисем çĕр лаптăкĕн харпăрçинчен унăн пахчине е унăн территорине çителĕклĕ çутă ÿкме паман сооруженисене тумасса ыйтма пултарать. Проектра кÿршĕ лаптăка ÿкнĕ улма-çырлана кам пуçтармаллине те тĕплĕнрех çырса кăтартаççĕ. Пурнăç кăтартса панă тăрăх, кÿршĕпе кÿршĕ хушшинчи хутшăнăва йĕркелесе тăракан правилăсем тахçанах кирлĕ, вĕсемпе никĕсленсе суд практикине те ĕçлесе хатĕрлеççĕ.

Проекта халăхпа сÿтсе явнă хыççăн ăна иккĕмĕш вулава хатĕрлеме пуçлаççĕ.

«Башинформ».