Астăвăм велопробегне хастарсем хутшăнчĕç

Пишпӳлек районӗнче пурӑнакансем велопробег йӗркелерĕç.

Старта Пишпÿлекри Культура керменӗн лаптӑкӗнчен пачĕç. Патриотла «Астăвăм велопробегне» хутшӑнакан вунӑ ҫын савăк кӑмӑл-туйӑмпа, хаваслӑн та ҫилпе ташвлашса маларах калаҫса хунӑ маршрут тӑрӑх: Çĕршыв хӳтӗлевҫисен паркӗ — Игорь Николаев ҫӑлкуҫӗ — ҫула тухса кайрӗҫ.

Велопробега хутшӑнакансем паркра палăк патне чечек хурса асӑнса чысларӗҫ, И.Николаев ҫӑлкуҫӗн территорине тирпейлерӗҫ.

Шанатпӑр: хастар хӗрарӑмсен тӗслӗхӗ райцентр çамрăкĕсемшĕн, ун хыҫҫӑн тата ытти ял тӑрӑхӗсемшĕн велопробег та тĕслĕх пулса тӑрӗ.

Карина ПАВЛОВА.

Сăнÿкерчĕкĕ: Карина ПАВЛОВА.

Тĕплĕнрех «Светлый путь» хаçатра вулăр.