Хăна кĕтнĕ кун ытлашши капăр кĕпе ан тăхăнăр

Чăлхапа атă-пушмак пĕр-пĕринпе юрăхлă пулмалла. Хулăн чăлха çÿллĕ кĕлĕллĕ илемлĕ атă-пушмакпа тăхăнма, çÿхе чăлха спорт атă-пушмакĕпе — юрăхсăр.

Ытлашши шупка тата тĕксĕм хĕрлĕрех е сарăрах тĕслĕ чăлхасем пур костюмпа та килĕшмеççĕ. Ÿт сăнли — пуринпе те аван.

Çывăрас умĕн тăраниччен ан çийĕр. Вăтам çулхи хĕр-арăмшăн чи усăллă каçхи апат — пĕр стакан томат сĕткенĕ е кефир. Унсăр пуçне, кăштах тăпăрч, пахчаçимĕçрен мĕн те пулин çиме юрать

Хăна кĕтнĕ кун ытлашши капăр кĕпе ан тăхăнăр. Хăнасем хушшинче нимĕнпе те палăрман тумтир тăхăннă çынсем те пулма пултараççĕ. Вĕсем капăр тумланнă кил хуçи хĕр-арăмĕ çумĕнче хăйсене хăйсем вăтанчăклăн тыткалама пултараççĕ.

Плиссе е арки сарлака юбка лутăрканасран хытă пукан çине лармалла.

Ансăр платьепе е юбкăпа чух ура çине ура хурса ларни килĕшÿсĕр.

Ÿкерчĕкле çыхнă жакета пурçăн кĕпепе ан тăхăнăр.

Пĕр тĕслĕ юбкăпа тăхăнма тăваткал куçлă е йăрăмлă, пăрçа пăнчăллă е геометрилле ÿкерчĕксемпе блузка çĕлĕр.

МИХ информацийĕпе.