Официаллӑ мероприятисенче чиновниксене апатлантарни Пушкӑртстана 13 млн тенке ларать

Пушкăрт чиновникӗсене официаллӑ приемсем, ларусем, канашлусем, тӗлпулусем тата ытти мероприятисем вӑхӑтӗнче апатланма республика бюджетӗнчен 13 млн ытла тенкӗ уйӑрнӑ. Пулӑшу ӗҫӗсемпе контракт тума Пушкӑртстан Пуҫлӑхӗн ӗҫ-хӗлĕн Управлени ятĕнчен патшалӑх туяну сайтӗнче вырнаҫтарнӑ.

Контракт тăрăх 2021 ҫулхи декабрӗн 31-мӗшӗччен асӑннӑ укҫа-тенкӗпе компани-ҫӗнтерӳҫӗ сӗтелсене вырнаçтармалла, сервизламалла, пӳлӗмсене йӗркелемелле тата мероприятисем пуçланиччен тата хыҫҫӑн залсене тирпейлемелле.

Ҫавӑн пекех вырнаҫтарнӑ документсенче конкретлӑ апат-ҫимӗҫ (ирхи апатран пуҫласа каҫхи апатчен), усӑ куракан апат-ҫимӗҫсем, виçи ҫинчен каланӑ.

Ҫавӑн пек туянусене Пуҫлӑхăн управляющийӗсем ҫулталӑкра темиҫе хутчен ирттернине палӑртса хӑварар.

 «Башинформ» информацийĕпе.