Пушкӑртстанри Инвестсабантуйра ковид самани чӗнӗвӗсене тишкерӗҫ

Медиасесси ушкӑнӗн спикерӗсен шутӗнче – паллӑ массӑллӑ информаци хатӗрӗсен журналисчӗсем: "АиФ", «Московский Комсомолец», «ФедералПресс» издательство ушкăнĕ.
Пушкӑртстанри Сибай хулинче иртекен виççĕмĕш Пӗтӗм Раҫҫейри "Зауралье-2021" инвестици сабантуй шайӗнче, сентябрĕн 10-мӗшӗнче «Вызовы ковидной эпохи глазами СМИ, власти и общества» темӑпа медиасесси пулӗ. Ҫак площадкӑна йӗркелекен "Аргументы и факты"кӑларӑм пулса тӑрать.
Медиасесси спикерĕсен шутĕнче «АиФ» кăларăм журналисчĕсем: Индира Кодзасова, "АиФ" тӗп редакторӑн заместителӗ, Юлия Загитова, Раҫҫей Журналистсен Союзӗн секретарӗ (ВКС), Надежда Плотникова, "Федералпресс" издательство ушкӑнӗн шеф-редакторӗ, Ева Меркачева, "Московский комсомолец" журналисчĕ, СПЧ (ВКС) членĕ тата ыттисем мероприятие хутшӑнӗҫ.
Сессие хутшӑнакансем паянхи пурнăçри ҫивӗч темӑна – коронавирус пандемийӗ пурнӑҫа "маларах" тата "кайран" ăнланăва мӗнле пайланине сӳтсе явӗҫ.
Пӗтӗмӗшле вӑхӑт чӗнӗвӗсем ҫакна палӑртаҫҫӗ: ҫыннӑн професси ӗҫӗн пӗлтерӗшӗ пӗрремӗш вырӑна тухать, пулӑшу ӗҫӗсен сферине йӗркелесси халӑх ыйтӑвӗсемпе килӗшӳллӗн тата пӗтӗм тӗнчери пахалӑх стандарчӗсемпе тата ҫамрӑк ӑру вӑй-хӑватне аталантармалли тивӗҫлӗ вӗренӳ рынокӗнче конкуренци пултарулӑхне тивӗҫтерессипе ҫыхӑннӑ.
Инвестсабантуй секцийӗсене ирттернӗ май Роспотребнадзорӑн пур сӗнӗвне те шута илнӗ. Мероприятисене ирттермелли кунне тӳрремӗнех регистрациленнӗ чухне 72 сехетрен кая юлмасӑр тунӑ ПЦР-тест кăтартмалла.
"Ҫак икӗ ҫул пуриншӗн те тӗрӗслев вӑхӑчӗ те, ҫӗнӗ майсем те. "АиФ" теветкеллĕхе тата хăрушлăха кӗске вӑхӑтрах хаклама тата удаленка куҫма пултарчӗ, ҫитменнине федераци офисӗнче кӑна мар, регионсенчи теçеткешер редакцире те", - каласа парать медиасесси спикерӗсенчен пӗри, "АиФ" тӗп редакторĕн заместителӗ.
«Башинформ» ИА информацийĕпе.