Пушкӑртстанра пурӑнакансене 112 номерпе суя шӑнкӑравшӑн явап тыттарасси пирки асӑрхаттараҫҫӗ

Пушкӑртстанра юлашки вӑхӑтра васкавлӑ медицина пулӑшӑвӗ памалли 112 тытӑма шӑнкӑравсен шучӗ палӑрмаллах ӳсрӗ.

Ҫакӑ республикӑра СOVID-19 нăкă сарăлнипе тата сезон чирӗсем ӳссе пынипе ҫыхӑннӑ. Час-часах 112 номер «кӗтмелли зал» пулса тӑрать. Кулленех васкавлӑ службӑна 5 пин ытла чӗнӳ кӗрет. Ҫын пӗр-пӗр ашкӑннине е "адреспа мар" шӑнкӑравласа кирлӗ пулӑшу илме пултараймасть пулсан, уйрӑмах кӳренмелле.

"112 номере пушар хуралӗн, полицин, васкавлӑ медицина пулӑшӑвӗн, газпа авари службин тата "Антитеррор"службин васкавлӑ службисене чӗнсе илме палӑртнӑ. 112 номерпе экстренлă лару-тӑрусӑр пуҫне урӑх йышши справочнӑй информаци илме шӑнкӑравламалла мар, — палӑртрӗ ПР ЦУР тӳрӗ эфирӗнче "Хӑрушсӑр хула" ГКУ представителӗ Рафис Мухамедьянов. — Коронавирус инфекцийӗ, вакцинаци теми е тухтӑр патне мӗнле лекесси интереслентерет пулсан, 122 номерпе шанкăравламалла. Ку ПР Сывлăх сыхлав Министерствин центрӗн контакчĕ".

Пушкӑртра пурӑнакансене 112 номерпе суйса чӗннӗшӗн административлӑ тата уголовлӑ яваплӑх тыттарма палӑртнӑ тесе аса илтереҫҫӗ.

Ҫавӑн пекех вакцинаци пирки, ковидпа чирлекенсен ыйтӑвӗсемпе 8(347) 218-19-19 нумай каналлӑ номерлӗ антиковидлӑ центрне шӑнкӑравлама пулать. Коронавирус инфекцийӗсене профилактика ыйтӑвӗсемпе — 8-800-555-49-43 (Роспотребнадзорӑн Пӗрлехи консультаци центрӗ).

 «Башинформ» информацийĕпе.