Уфара чаплă гроссмейстерсем ачасемпе шахматла вылянă

Раҫҫей чемпионачӗсен шахматсем енӗпе Суперфиналсенче социаллӑ программа кунӗ иртрӗ.

Раҫҫей чемпионачӗсен Суперфиналӗсенче йӑлана кӗнӗ пекех Раҫҫей шахмат федерацийĕ тата Ыркăмăллӑх фончĕ пурнӑҫлакан Еленӑпа Геннадий Тимченко "Музейсенчи шахматсем" иртекен программа шайӗнче социаллӑ программа кунне яланах йӗркелеççĕ.

Ҫак кунсенче ҫамрӑк шахматистсемпе шахмат юхӑмӗн ветеранӗсем пӗр вӑхӑтрах вылямалли сеансра гроссмейстерпа выляма, лекци итлеме, ӑсталӑх класне хутшӑнма е турнирта выляма пултараҫҫӗ.

Уфара 50-е яхӑн ҫын хутшӑннӑ темиҫе мероприяти пулнӑ. Чи малтан Нестеров ячӗллӗ Художество музейӗнче пӗр вӑхӑтрах вылямалли сеанс пулчӗ: паллӑ гроссмейстерпа, тренерпа тата комментаторпа Сергей Шиповпа Стерлитамакри коррекци шкулӗн хӑлхасӑр ачасен интерначĕн тӑхӑр воспитанникĕ тата вӗсен педагогӗсем вылярӗҫ.

Ҫав кунах "Лайфстайл центр Башкирия" пӗр вӑхӑтрах 38 хӑма çинче вылямалли сеанссем пулчӗҫ, унта ачасемпе гроссмейстерсем, комментаторсем Евгений Мирошниченкопа Александр Шиманов вылярӗҫ. Сеансерсем партисене пурне те выляса илчӗҫ, анчах парнесӗр никам та каймарӗ.

Унтах Пушкӑртстанри тӗрлӗ хуласенчен тата районсенчен килнĕ 35 ача блицтурнира хутшӑнчӗ.  

«МГ» информацийĕпе.