Пушкӑртстан: экспертсем халӑх ҫыравне мӗнле хакланӑ

Экспертсем халӑх ҫыравӗ пирки хӑйсен шухӑшне каласа панӑ.
Пушкăртстан патшалăх университет социологи тата ҫамрӑксен кафедрин заведующийӗ Андрей Гайфуллин пысӑк пӗлтерӗшлӗ мероприятие пӗр ҫуллӑха куçарса ирттерни лайӑх факт пулнине тимлеттерчӗ. Ҫакӑ организациллӗ самантсене, сӑмахран, цифра ҫыравне лайăхрах хатӗрленме май пачӗ.
Ҫавна пула объективлӑрах тата тӗрӗсрех информаци илессе шанма пулать. Хатӗрленӳ тӗплӗнрех пулнӑ: ҫыравҫӑсем вӗренӳ курсӗ иртнӗ, планшетсемпе хӳтӗлев хатӗрӗсем илнӗ.
Халӗ халӑх ҫыравӗ финал фазине куҫать — илнĕ информацие пĕрлештерме, итогсене пӗтӗмлетме.
Арсен Шаяхметов политолог ялсенче пурӑнакансем ҫакнашкал мероприятисене лӑпкӑн пӑхнине палӑртрӗ, мӗншӗн тесен вырӑнсенче ял хуҫалӑх ҫыравӗ час-часах иртет. Вӑл темле кӗтмен ҫӗртен самантсем сиксе тухасса кӗтме кирлӗ мар тесе шанать.
Кӑтартусем патшалӑх органӗсенче пур информацийĕпе йӗркеленӗҫ. Ҫырав хӑш-пӗр даннӑйсене тӗрӗслет.
МИХ информацийĕпе.