Пушкӑртстанра ача çуратакан 40 ҫултан иртнĕ хӗрарӑмсем йышлӑланнă

Пушкăртстан статистикĕсем пӗлтернӗ тӑрӑх, пӗлтӗр 14,2 пин хӗрарӑм пӗрремӗш хут анне пулса тӑнӑ. 15 пине яхӑн хӗрарӑм иккӗмӗш ача ҫуратнӑ, тата 11,8 пин хӗрарӑм нумай ачаллӑ анне пулма шут тытнӑ , вĕсем виҫҫӗмӗшне тата ун хыҫҫӑнхи ачисене çуратнă.
Сӑмахран, 1990 ҫулта республикӑра пӗрремӗш ача ҫуратакан хӗрарӑмсен вӑтам ӳсӗмӗ 23 ҫул пулнă, пӗлтӗр — 26 ҫул ӗнтĕ.
"2020 ҫулта 25-34 ҫулсенчи хӗрарӑмсен 60,4 проценчӗ ача çуратнă", — хушса хунӑ Башстатра.
Танлаштарма: 1990 ҫулта чи нумай ача çуратакансем 20-24 ҫулхи хӗрарӑмсем — 37,4% (2020 ҫулта - 17,1%) пулнӑ.
Ҫав хушӑрах 20 ҫул тултарман хĕрарăмсем ача çуратасси палӑрмаллах чакнӑ. 1990 ҫулта 10 процентне яхӑн 20 çулчченхи хĕрарăм ача çуратнă пулнӑ, пӗлтӗр ку кӑтарту 5,6% чакнӑ.
"Регионта 40+ ÿсĕмре ача ҫуратнӑ хӗрарӑмсен пайĕ ӳсни палӑрать. 1990 ҫулта вӗсене ача ҫуратасси 1 процентне яхӑн тивнӗ пулсан, 2020 ҫулта — 3,5%. Кун пек аннесен 12 проценчĕ пĕрремĕш ачине çуратнă пулнӑ", - пĕтĕмлетнĕ статистиксем .
"Башинформ" информацийĕпе.