Транспорт ҫинче QR-кодсем кĕртесси çинчен саккун проектне пӑхса тухмаççĕ

Патшалăх Думин спикерӗ Вячеслав Володин хӑйӗн Telegram-каналӗнче QR-кодсене транспорт ҫинче кĕртесси çинчен калакан саккун проектне пӑхса тухассинчен кăларни ҫинчен пӗлтернӗ.

"Ҫӗршыв президенчӗ Владимир Путин иртнӗ эрне вӗҫӗнче вырӑнсӑр йышӑнусем тума юраманнине палӑртнӑ. "Ҫынсен прависене чакарас мар тесен транспорт тытӑмӗ хатӗр-и", "хамӑрӑн граждансемшӗн тимлĕ пулмалла" хушма йывӑрлӑхсем кӑларса тӑратас мар тесен, питӗ тимлӗ, виҫеллӗ тумалла, — тесе ҫырнӑ Вячеслав Володин.

Вӑл палӑртнӑ тӑрӑх, транспорт ҫинчи QR-кодсене кĕртессине пăхса тухассинчен кăларни — Патшалăх Думипе çĕршыв правительстви хушшинчи калаçу регионсемпе граждансен шухӑшӗсене шута илмелли тытӑмӗн результачӗ. "Çынсен шухăшне шута илнине пула асӑрхаттарусене илтнĕ. Тунтикун Патшалӑх Думин Канашӗнче ҫак саккуна пӑхса тухмаллине повесткăран кӑларса пӑрахас ыйтӑва сӳтсе явӑпӑр", — хушса хунă Патшалăх Думин спикерӗ.

 «Башинформ» информацийĕпе.

Сăнÿкерчĕкĕ: Ксения Калинина.