Пушкӑртстанри шкул ачисемшӗн Çӗнӗ ҫул каникулӗ ыттисенчен каярах пуҫланать

Пушкӑртстан вӗренӳ министрӗ Айбулат Хажин ҫӗнӗ коронавирус инфекцийӗпе кӗрешекен оперативлă штаб ларӑвӗнче регион шкулӗсенче ҫӗнӗ ҫул каникулӗсем декабрӗн 31-мӗшӗнчен пуҫланасса тата январӗн 16-мӗшӗччен тӑсӑлнине палӑртнă. Урӑхла каласан, пӗрремӗш вӗренӳ кунӗ тунтикун — январӗн 17-мӗшӗ пулать.

"Республикӑри вӗренӳ учрежденийӗсенче ҫӑмӑл мар лару-тӑру йӗркеленнӗ, вĕсенче 62 339 шкул ачипе 1 083 педагог ОРВИпе тата гриппа чирлет. Ҫавӑнпа Роспотребнадзорта ҫитес Çĕнĕ çул  каникулĕсем гриппа чирлесе ӳкнин кӑтартӑвӗсене палӑрмаллах чакарма май парӗ", — терӗ ведомство пуҫлӑхӗ.

Палӑртса хӑварар: Раҫҫейри чылай регионта ҫӗнӗ ҫул каникулӗсем маларах — декабрӗн 27-мӗшӗнче пуҫланӗҫ. Вӗсем январӗн 9-мӗшӗччен тӑсӑлĕç. Маларах Пушкӑртстан Пуҫлӑхӗ Радий Хабиров каланă тăрăх COVID-19 вирус сарăлнăран шкулсенче каникула тепӗр эрнелӗхе тӑсма пултараççĕ. «Башинформ» информацийĕпе.