Мария Ситтель Пушкӑртстанран тӗлӗннӗ: Республика маншӑн — тусем, пыл тата сывлӑш

Уфара иртекен Пӗтӗм Тӗнчери бизнес эрнинче паллӑ телеведущи, пилӗк ача амӑшӗ Мария Ситтель пулнӑ. Вӑл "Пӗтӗм тӗнчери коопераци" пленум сессийӗнче модератор пек тухса каланă.

Мероприяти хыҫҫӑн журналистсен ыйтӑвӗсене хуравланă.

Мария Пушкӑртстанра пӗрремӗш хут, анчах та республика уншăн мӗнпе ҫыхӑнса тӑни ҫинчен каласа панă. – Тусем, пыл, сывлӑш. Питӗ лайӑх ҫынсем — хӗвеллĕ, ӑшӑ та калама ҫук тараватлӑ ҫынсем. Манӑн яланах ҫынна пӗлес килет – унӑн куҫӗнчен пӑхас, вӑл хӑйне хӑй тӑван ҫӗршывӗпе, хӑйӗн тымарӗсемпе мӗнле пӗрлештернине итлес килет. Ҫавӑнпа та кунта ҫуралса ӳснӗ тата нумай вӑхӑт пурӑнакан ҫынсене илтни, паллах, питӗ кирлӗ пулчĕ, — каласа панă нумай ачаллӑ анне тата чылайăшин юратнӑ телеведущи.

 «МГ» информацийĕпе.

Сăнÿкерчĕкĕ: Е. Соколов.