Ҫитӗнекен ӑрушӑн çутă тӗслӗх

1980 ҫулхи ҫулла. Эпӗ ялхуҫалӑх институчӗн иккӗмӗш курсне куҫрӑм. Факультетри комсомолецсен организацине ертсе пынӑ май ман тивӗҫсене общежитири йӗркене пӑхӑннине тĕрĕслесси те кӗретчĕ. Пӗррехинче, БСХ студенчĕсем пурӑнакан улттӑмӗш корпус коридорӗпе пынӑ чухне, эпӗ пӗр пӳлӗмре тем ҫинчен тавлашнине илтрӗм. Пӑхатӑп, темиҫе каччӑ сӗтеле тӳнтерсе ҫавӑрса хунă та пурӑпа темӗскер çырса вӗренӳ доски ҫинчи пек  тем тӑрӑшса çырса тавлашаҫҫӗ.

Ҫапла вара Уфара, кӳршӗри ялсенче пурӑннӑ пулин те, эпир Ильдарпа тата унӑн иккĕмĕш сыпӑкри пиччӗшӗпе Расильпе паллашрӑмӑр. Вӗсем тин ҫеҫ вуза вĕренме кӗме килнӗ. Студент ҫулӗсенче ентешсем пек таччӑн хутшӑннӑ, унсӑр пуҫне пире общество ӗҫӗ ҫыхӑнтарнӑ. Тӑван ҫӗршыва таврӑнсан, юлташла хулпуҫҫине туйса, пӗрле ҫамрӑк специалистсен пиçĕхÿ шкулне иртрӗмĕр.

Гимаевăн чи ҫутӑ енӗсенчен пӗри контактсене йӗркелеме пӗлни пулнӑ. Ҫак пахалӑх ӑна республикӑра ҫӳллӗ авторитетпа усӑ курнӑ ентешсемпе тачӑ ҫыхӑну йӗркелеме май панӑ. Сӑмахран, Айрат Миннуллович Хисматуллинпа, Кăркан ялӗнче ҫуралса ӳснӗскерпе. Тулашри экономика ҫыхӑнӑвӗсен правительствин ертӳҫин ҫумӗ пулнӑ май, министерствӑсемпе ведомствӑсемпе контактсене йӗркеленӗ чухне вӑл тӑван район аталанӑвне пысӑк тӳпе хыврӗ. Ильдар Раисович Айрат Хисматуллина аслӑ тусӗ, наставник тесе йышӑннӑ. Тӑван района Гимаев Президент Администрацийӗнче ӗҫленӗ тапхӑрта пулӑшса пынӑ. Шӑпах ун чухне Пишпÿлек—Уфа автотрассăна асфальт сарнӑ, Усак-Кичу ялӗ урлӑ тӑсӑлнӑ.

Ентешсем ӑна астӑваҫҫӗ. Ильдар Гимаев ятне кашни ҫулах Аит шкулӗнчи сылтӑм флангри отрячӗ тивĕçет. Унӑн ячӗллĕ шкулти хоккей команди пур, Аит ялӗнче, райцентрта урамсене ун ятне панӑ. Традиципе районсен хушшинчи хоккей турнирне Ильдар Гимнаева асӑнса ирттереççе. Районти историпе этнографи музейӗнче, тӑван шкулĕнче, Аитри Фатих Карим музейӗнче унӑн пурнӑҫ ҫулӗ ҫинчен каласа паракан кӗтессем йӗркеленӗ.

Район администрацийӗ ыйтнипе пултаруллӑ ҫамрӑксене Пулӑшмалли республика Фончӗ "Уралтранснефтепродукт" ОАО генеральнӑй директорӗ ертсе пынипе пултаруллӑ ачасене хавхалантарма Ильдар Гимнаев ячӗллӗ премие ҫирӗплетнӗ. Ҫулталӑк хушшинче ӑна вӗренӳре, спортра, культурӑра пысӑк ҫитӗнӳсем тунӑ 30 вӗренекен тивӗҫнӗ.

Наиль ГАТАУЛЛИН.

«Мгновения жизни» кĕнекерен.

Тĕплĕнрех «Светлый путь» хаçатра вулăр.