Уфаран Ташкента тӳрӗ авиарейссем яма палӑртаҫҫӗ

Февралӗн 24-мӗшӗнче Республика Ҫуртӗнче Пушкӑртстан Пуҫлӑхӗ Радий Хабиров тата Чрезвычайлӑ тата Полномочиллӗ Узбекистан республикин посолĕ Ботиржон Асадов тӗлпулӑвӗ иртнӗ, çав тӗлпулура экономика, гуманитари тата социаллӑ сферӑсенче килӗштерсе ӗҫлеме пулӑшакан малашлӑха сӳтсе явнă.
Пушкӑртстан Суту-илӳпе промышленноҫ палатин базинче икӗ республикӑри бизнесменсене тӗл пулмалли тата ыйтусене сӳтсе явмалли пӗр ӗҫ площадки йӗркелеме палӑртнӑ. Ҫавӑн пекех Раҫҫейпе килӗштернӗ тӑрӑх, 2022 ҫулта Уфа – Ташкент маршрутпа тӳрӗ авиарейс уҫма палӑртнӑ.
"МГ" информацийепе.