Радий Хабиров муниципалитетсен тӗп тӗллевӗсене палӑртнӑ

Майӑн 29-мӗшӗнче Пушкӑртстан Пуҫлӑхӗ Радий Хабиров муниципалитетсен пуҫлӑхӗсен семинарне республикӑри ӗҫ тӑвакан власть органӗсен ертӳҫисемпе Мечетлĕ районӗнчи "Карагай" санаторин базинче хутшӑннӑ.

Регион пуҫлӑхӗ республикӑн экономикине тата социаллӑ сферине аталантармалли хальхи условисенче муниципалитетсен тӗп тӗллевӗсене палӑртнӑ.

Тӗп тӗллевсенчен пӗри вӑл экономикӑна аталантарасси, предпринимательлӗхе пулӑшасси тата халӑхпа чи ҫивӗч ыйтусемпе конструкциллӗ диалог йӗркелесси. Республика пуҫлӑхӗ санкци условийӗсенче инвесторсене хастар явӑҫтармаллине, предприниматель пуҫарӑвне пулӑшмаллине палӑртнӑ. Ҫавӑн пекех вӑл халӑх умӗнче социаллӑ обязательствӑсене пурнӑҫлани, вӗсемпе тӑтӑшах хутшӑнни кирлӗ пулнине, "хӑйсене хумхантаракан ыйтусене пӗрле татса парассине" палăртнă.

Республикӑн тӗрлӗ отраслĕсемпе тата регионти муниципалитетсен социаллӑ пурнӑҫпа экономика лару-тӑрӑвне аталантармалли аналитикӑна регион правительствин премьер-министрӗ Андрей Назаров палӑртнӑ.

«МГ» информацийĕпе.