"Пушкӑрт сода компанийӗн" пуҫлӑхӗ Эдуард Давыдов Донбаса пулӑшнӑшӑн Салават Юлаев орденне илнӗ

Пушкӑртстан Пуҫлӑхӗ Радий Хабиров "Пушкӑрт сода компанийӗн" генеральнӑй директорне 37 ҫулхи Эдуард Давыдова предприяти Донбасс республикинчи халӑха тата экономикӑна пулӑшнӑшӑн Салават Юлаев орденӗпе наградӑланӑ.
"Пушкӑрт сода компанийӗ" Донецк тата Луганск республикисенче пурӑнакансене 78 тонна ытла продукци - ку 19,5 пин упаковка белизна, 30 пин пачка кальциленĕ сода, 32 пин пачка "Зифа" ҫумалли порошок тата 43 пин пачка "Луч" порошок янӑ.
Гуманитари пулӑшӑвӗсӗр пуҫне предприяти республикӑри санаторисенче вырнаҫнӑ беженецсене те хастар пулӑшать, социаллӑ проектсенче хутшӑнать. Экспертсем шутланӑ тӑрӑх, БСК республикӑри чи активлӑ предприятисенчен, Донбаса пулӑшас ӗҫе пысӑк тӳпе хывнӑскерсенчен пӗри.
"МГ" информацийĕпе.