Йытӑ ҫурисене чӑвашла ят панӑ ҫемьене Пӗрремӗш каналпа кӑтартнӑ

Вӑрнарта пурӑнакан ҫемьене Пӗрремӗш каналӑн телекӑларӑмӗсенчен пӗринче кӑтартнӑ.
Амӑшӗпе хӗрӗ — Алиса тата Илона — Мироновсем «Видели видео?» (чӑв. Видео курнӑ-и?) шоура ӳкерӗннӗ. Телекӑларӑм редакторӗсене Мироновсем килсӗр-ҫуртсӑр йытӑ ҫурисене пулӑшни килӗшнӗ, ҫавӑнпа вӗсене телекӑларӑмра кӑтартнӑ.
Хӗлле амӑшӗпе хӗрӗ виҫӗ йытӑ ҫурине пулӑшнӑ. Вӗсене такам вӑрманта хутаҫра пӑрахса хӑварнӑ. Пӗчӗкскерсем чутах шӑнса вилмен. Телекӑларӑмра Мироновсем ҫав историпе паллаштарнӑ. Йытӑ ҫурисене вӗсем чӑвашла ятсем парса тухнӑ: Хӗл, Вӑрман, Нарӑс.
Алиса килсӗр чӗрчунсене пулӑшассипе тахҫанах тӑрӑшать иккен. Вӑл ҫине тӑнипе 100-е яхӑн йытӑ-кушак ҫӗнӗ хуҫа тупнӑ.

#телекурав, #МИХсем, #ҫемьесем, #Вӑрнар
Хыпар ҫӑлкуҫӗ: https://ok.ru/group/6044603586...898/topic/154830691396554