Пушкӑртстанра пӗчӗк тата вӑтам бизнес субъекчӗсен шучӗ ӳсет

Кун пирки республика правительствин канашлӑвӗнче регион предпринимательлӗх тата туризм министрӗ Рустем Афзалов каласа панӑ.
Министр пӗлтернӗ тӑрӑх, Пушкӑртстанри пӗлтӗрхи кӑтартусемпе танлаштарсан, вак тата вӑтам бизнес субъекчӗсен шучӗ 388 единица чухлӗ ӳснӗ. Кӑҫал вӗсем 120,7 пин пулса тӑнӑ.
2022 ҫулхи пӗрремӗш ҫур ҫулта республикӑра бизнеса пулӑшма 1 миллиард тенкӗ - ҫӑмӑллӑхлӑ заемсем, лизинг программисемпе кредит каникулӗсем - янине палӑртнӑ. Унсӑр пуҫне, 2022 ҫулхи июньте Пушкӑртра налук хумалли патентлӑ тата ҫӑмӑллатнӑ системӑн шайӗнче финанс нагрузкине чакарма май паракан саккунсем йышӑннӑ.
"МГ" информацийĕпе.