"Патриот" паркра "Геройсен ăмӑртӑвне" хутшӑнакансем пухӑннӑ

Пишпÿлек район администрацийĕн команди те 108 команда хушшинче ăмăртать.
Паян, августӑн 13-мӗшӗнче, Чишма районӗнчи "Патриот" паркра "Геройсен ăмӑртӑвӗ" пуҫланнă. Мероприятие Физкультурник кунне уявланӑ май иртет тата 108 команда пухнă. Палӑртса хӑваратпӑр, 2019 ҫултанпа чӑрмавсене официаллӑ спорт тӗсӗ тесе йышӑннӑ. Асӑннӑ трасса - Раҫҫейре чи вӑрӑммисенчен пӗри, вӑл "Патриот" ҫарпа патриотла культура тата кану паркӗн пысӑк проекчӗн пайӗ пулса тӑрать.
Паян унта хутшӑнакансем икĕ ҫухрӑм иртӗҫ те канатлӑ сӑртсем, хӳмесем, алӑ тыткӑчи, 8 метрлӑ "эверест", окопсем тата ытти чӑрмавсене ҫӗнтерсе илӗҫ. Ӑмӑрту маршрутне пӗр-пӗр физкультурӑпа киленмелле кӑна мар, командӑра ӗҫлеме те пӗлмелле: хӑш-пӗр участоксенче юлташсем пулӑшмасӑр трассӑн иртме ҫӑмӑлах пулмасть. Командăсен капитанĕн суллисем ҫинче унӑн ҫыннисем трасса урлӑ каҫмалли вӑхӑт палӑрӗ.
Ҫамрӑк хутшӑнакансемшӗн 15 чӑрмавран тухнӑ "Геройсен ăмӑртӑвӗ" ятарлӑ ача-пӑча трасси йӗркеленӗ.
Ҫавӑн пекех "Патриотра" паян Пӗтӗм Раҫҫейри "Оранжевый мяч" баскетбол ӑмӑртӑвӗсен регионти тапхӑрӗ иртӗ.

"МГ" информацийĕпе.