Пушкӑртстанри пӗр районта Шаймуратов батальонӗнчи доброволецсен ачисене депутат парне панă

Республикӑри Патшалӑх Пухăвӗн депутачӗ Тимур Гильмияров Альшей районӗнчи ашшӗсем Минигали Шаймуратов ячӗллӗ батальонра службӑра тӑракан шкул ачисене вӗренӳ ҫулӗ пуҫланнӑ ятпа саламланă.
Парламентари ачасене ноутбуксем, смартфонсем тата пылак япаласем парнеленĕ. Мӗнпурӗ ҫичӗ ҫемьери 15 хӗрачапа арҫын ача парне илнĕ.
"Ун пек ҫемьесене патшалӑх шайӗнче ҫеҫ мар, этемле пулӑшмалла. Ашшӗсем службӑра тӑракан, пирӗн тӑван ҫӗршыва хӳтӗлекенсен ачисем вӗсемпе мухтанма тивӗҫ, пушкӑрт батальонӗнче пулни пысӑк чыс", - тесе шутлать халӑх суйланӑ ҫын.
"Башинформ" информацийĕпе.
Сăнӳкерчӗкĕ: Т. Гильмияров/vk.com