Районти яланхи эрнекунхи планерка

Районти организацисемпе предприятисен ертӳҫисемпе ирттерекен район администрацийӗн йӑлана кӗнӗ эрнекунхи планерки саламланинчен пуҫланнӑ. Иртнӗ эрне событисемпе пуян пулнă. Район администрацийӗн пуҫлӑхӗ Артур Зарипов Дорофей Федоровичпа Зинаида Николаевна Николаевсене 50 ҫул пӗрле пурӑннӑ ятпа саламланă. Кӑҫалхи август уйӑхӗнче районти социаллӑ объектсем тума пысӑк тӳпе хывнӑ "Бижбулякстрой" ООО директорӗ Азат Ахмерович Галимов 70 çул тултарнин юбилейне палӑртнă. А.А. Галимова районӑн аслӑ наградине - нумай ҫул тӳрӗ кӑмӑлпа ӗҫленӗшӗн, професси ӗҫӗнче ҫитӗнӳсем тунӑшӑн тата Пишпÿлек районӗн социаллӑ пурнӑҫпа экономика аталанӑвне пысӑк тӳпе хывнӑшӑн Хисеплӗ грамотине панă.
Культура, ҫамрӑксен политикин, спортӑн тата общество пӗрлешӗвӗсемпе ҫыхӑнса ӗҫленин пайӗн начальникӗ Елена Павловна Арефьева район ертӳҫисене августӑн 27-мӗшӗнче "GastroMaster 2022" ҫулленхи кулинар чемпионатӗнче пулӑшма тата хутшӑнма пулӑшнӑ ҫынсене тав тунă, фестивале йӗркелекенсен ячӗпе номинацире ҫӗнтерекенсене дипломсемпе тав ҫырӑвӗсем панă.
Сăнÿкерчĕкĕсем: Пишпÿлек район администрацин социаллă сетьри страницинчен.