Путин ВЭФра тигра упрас енӗпе Пӗтӗм тӗнчери II форума уҫнӑ

#владимирпутин
Казахстан Раҫҫей опычӗ пулӑшнипе тигрсене 2025 ҫулта Тӗп Азие тавӑрма пултарать. Кун пирки сентябрӗн 5-мӗшӗнче РФ Президенчӗ Владимир Путин ВЭФра иртекен тигра сыхлас енӗпе Пӗтӗм тӗнчери II форума пухăннă ҫынсене видеопа саламланă чухне каланă.
"Пирӗн опыт Казахстанри партнерсене, тигрсене Тĕп Азие таврӑнма пуҫланӑ программӑра кирлӗ пулни савӑнтарать. Раҫҫей специалисчӗсем унта пӗрремӗш тигрсем 2025 ҫулта килессе шанаҫҫӗ. Ку пуҫару питӗ кирлӗ", - тенӗ Путин хăйĕн саламĕнче.
Тӗнчери тигрсен шучӗ юлашки ҫулсенче 40 процента ÿснине палăртнă вӑл, хӑш-пӗр ҫӗршывсенче ку чӗрчунсем халь те хӑрушлӑхра пулин те.
"Известия" хаçатăн социаллă сетьри страницинчен.
Сăнӳкерчӗкĕ: Новости РИА/Константин Михальчевский.