Пушкӑртстанри тавар ҫаврӑнӑшӗн калӑпӑшӗ 86,5 миллиард тенкӗлӗх ӳснӗ

Республикӑри суту-илӳпе пулӑшу ӗҫӗсен министрӗ Алексей Гусев каланӑ тӑрӑх, кӑҫалхи ҫичӗ уйӑхра тавар ҫаврӑнӑшӗ 621,7 миллиард тенке ҫитнӗ.
Алексей Гусев регион правительствин канашлӑвӗнче Пушкӑртстан регионсен хушшинче вак-тӗвек суту-илÿ ҫаврӑнӑшӗн кӑтартӑвӗпе, ҫавӑн пекех сахал форматлӑ суту-илӳ аталанӑвӗн шайӗпе пысӑк позицире тӑнине тата федерацин Атӑлҫи округӗнче иккӗмӗш вырӑн йышӑннине, Раҫҫейре саккӑрмӗш пулнине палӑртнă. Министр каланӑ тӑрӑх, кӑҫал республикӑри потребитель рынокӗнчи лару-тӑру пӗтӗм Раҫҫейри тенденцисен шайӗнче аталаннӑ.
"МГ" информацийĕпе.