Радий Хабиров Салават районӗнчи пушкӑрт костюмӗсем çĕлекен ҫӗвӗҫ ҫинчен каласа панă

Пушкӑрт Пуҫлӑхӗ Радий Хабиров наци костюмĕ кунĕ Салават районӗнчи Комсомол ялӗнчи Гульдар Шабиева ҫӗвӗҫ ҫинчен каласа панă.
"Сире тӗлӗнмелле ӑстаҫӑпа паллаштарас килет, хăйĕн ĕçĕнче чи лайӑххисенчен пĕринпе. Гульдар Шарафетдиновна Шабиева нумай ҫул ӗнтӗ пушкӑрт костюмӗсем ҫӗлет, эрешсем хатӗрлет. Хӑйӗн ӗҫӗнче алăсти аутентлӑ материалсемпе ҫеҫ усӑ курать", - тесе ҫырнӑ Радий Хабиров соцсетьсенче.
Республика Пуҫлӑхӗ ҫавӑн пекех регионта пурӑнакансене пурне те ăста пурнăçланă этнографи музейне кайса курма сӗннӗ.
"Экспозици пуян - костюмсемсӗр пуҫне унта килти тумтирсемпе ӑпӑр-тапӑрсем, раритетлӑ япаласем, сӗтел-пукан, палассем питӗ нумай. Салават районӗнче пулсан, ҫак музее кӗрсе курӑр. Пурне те Наци костюмӗн кунӗ ячӗпе!"- палӑртнă Радий Хабиров.
"Башинформ" информацийĕпе.
Сăнÿкерчĕкĕ: Радий Хабировӑн соцсечӗ.