Андрей Назаров соцсетьсенче Уфара пулас пӗтӗм тӗнчери конгресс ҫинчен каласа панă

Пушкӑрт правительствин Премьер-министрӗ Андрей Назаров республика экономикине юлашки ҫулсенче аталантарасси ҫинчен социаллӑ сетьсенче каласа панă.
Андрей Назаров Пушкӑртстан пурӑнмалли ҫурт-йӗр хута кӗртес калӑпӑшпа Раҫҫей регионӗсем хушшинче малти позицисене ҫирӗп йышӑнса тӑнине палӑртнă. Кӑҫал кӑна 2 млн тӑваткал метра яхӑн пурӑнмалли ҫурт-йӗр тунӑ. Ҫавӑн пекех республикӑра инженери, транспорт тата социаллӑ инфратытӑм объекчӗсем анлӑн тӑваҫҫӗ. Премьер-министр ҫавӑн пекех пӗтӗм тӗнчери пӗрремӗш "Транспорт тата строительство" конгресс ҫинчен, Пушкӑрт тĕп хулинче сентябрӗн 18-мӗшӗнчен пуҫласа 22-мӗшĕччен иртмелли конгресс ҫинчен каласа панӑ.
- Туслӑ ҫӗршывсен представителӗсем те хутшӑнӗҫ: Казахстанран, Узбекистанран, Турцирен тата Иранран, - палӑртнă Андрей Назаров. - Ҫӗршыв-партнер Беларуҫ Республики пулать.
"МГ" информацийĕпе.